ՆախընտրելիՀայաստանի մշակույթի նախարար Հասմիկ Պողոսյանի առաջարկով, կառավարությունը պատրաստվում է պարտադիր զինվորական ծառայությունից տարկետում տալ դաշնակահար եւ կոմպոզիտոր Տիգրան Համասյանին: Հարցը ներառվել է հուլիսի 21-ի կառավարության նիստի օրակարգ:
Տ. Համասյանը սովորել է Գյումրու N 1 երաժշտական դպրոցում, այնուհետ տեղափոխվելով Երեւան, ուսումը շարունակել է Միրզոյանի անվան երաժշտական դպրոցում եւ Պ. Չայկովսկու անվան երաժշտական մասնագիտական դպրոցում: Ներկայում բնակվում է ԱՄՆ-ում:
Տ. Համասյանը մի շարք մրցույթների դափնեկիր է, ջազային կատարումներով հանդես է եկել հայտնի աստեղերի հետ` Հերբի Հենկոկ, Ջոն ՄաքԼաֆին, Ջո Ջավինոլ, Ջոն Պատիտուչի:
Չնայած այն հանգամանքին, որ Տ. Համասյանը ընտանիքի հետ 2003 թ. տեղախոխվել է ԱՄՆ` մշտական բնակության, նա Հայաստանի քաղաքացի է եւ բոլոր բեմահարթակներում մշտապես հանդես է գալիս Հայաստանի Հանրապետության դրոշի ներքո:
