նախընտրելի դարձնելՌուսաստանի նախկին եւ ներկա նախագահներ Վլադիմիր Պուտինը եւ Դմիտրի Մեդվեդեւը բազմիցս հրաժարվել են հայտնել, թե նրանցից ով է առաջադրվելու 2012 թվականի նախագահական ընտրություններին մասնակցելու համար: Սակայն, Reuters-ի երեք անանուն աղբյուրների հարցման արդյունքները ցույց են տալիս, որ Պուտինը կառաջադրի իր թեկնածությունը:
Առաջին անանուն աղբյուրի խոսքով`Պուտինն անհանգստացած է այն հանգամանքով, որ Մեդվեդեւը չի ստանում քաղաքական գործիչներից, գործարարներից եւ ընտրողներից անհրաժեշտ աջակցություն, որպեսզի վերափոխումներ կատարելիս ապահովի կայունություն:
Երկրորդ աղբյուրը միանշանակ հայտարարել է, որ Պուտինը «շատ է ցանկանում վերադառնալ»: Իսկ Մեդվեդեւի` սեփական դիրքերն ամրապնդելու փորձերը, վշտացրել են վարչապետին, թեեւ արտաքնապես երկու առաջնորդների միջեւ պահպանվում են բարիդրացիական հարաբերությունները:
Երրորդ աղբյուրի կարծիքով` Պուտինը մտադիր է առաջադրվել 2012 թվականին: Իսկ դառնալով նախագահ` նա կնշանակի բարեփոխիչ- վարչապետի, որպեսզի խուսափի մեղադրանքներից, որ իր վերադարձը կհանգեցնի լճացման:
