ՆախընտրելիԱնցած հանգստյան օրերին Հայաստանում գրանցվել են մի քանի լուրջ ավտովթարներ. զոհերի թվում փոքրիկ տղա կա։
Ինչպես NEWS.am-ը տեղեկանում է Հայաստանի ոստիկանության մամուլի ծառայությունից, սեպտեմբերի 11-ին, ժամը 21.00-ին, անհայտ ավտոմեքենայի վարորդը Բագրատունյաց փողոցում վրաերթի է ենթարկել 44-ամյա մի տղամարդու, որը մարմնական վնասվածքներով տեղափոխվել է հիվանդանոց: Կատարվում է քննություն:
Նույն օրը, ժամը «ՎԱԶ-2107» մակնիշի ավտոմեքենայի վարորդը Մասիս-Էջմիածին ճանապարհի 6-րդ կմ-ին վրաերթի է ենթարկել 9-ամյա Հայկ Գրիգորյանին:
Երեխան հիվանդանոց տեղափոխվելու ճանապարհին մահացել է: Կատարվում է քննություն:
Սեպտեմբերի 12-ին, ավտովթար է տեղի ունեցել Նորագավիթի 1-ին փողոցում։ «Սամանդ» մակնիշի ավտոմեքենան բախվել է ճանապարհով անցնող կովին:
Վարորդը մարմնական վնասվածքներով տեղափոխվել է հիվանդանոց: Կատարվում է քննություն:
Նույն օրը «ՎԱԶ-2107» մակնիշի ավտոմեքենայի վարորդը վրաերթի է ենթարկել Կոտայքի մարզի Զովք գյուղի բնակչուհի, 68-ամյա Ջուլիետա Հունանյանին, ով ստացած մարմնական վնասվածքներից հիվանդանոց տեղափոխվելու ճանապարհին, մահացել է:
Կատարվում է քննություն:
Սեպտեմբերի 12-ին եւս մեկ ավտոպատահար է գրանցվել. Աբովյան փողոցում անհայտ մակնիշի մեքենան հարվածել է 6-ամյա տղային։ Երեխային տեղափոխել են հիվանդանոց։ Կատարվում է քննություն:
