նախընտրելի դարձնելՔիչ առաջ ապօրինի ծառահատման հերթական դեպքն է գրանցվել Աջափնյակ վարչական շրջանում: Ինչպես NEWS.am-ին հեռախոսով հայտնեց «Ժառանգություն» խմբակցության պատգամավոր Արմեն Մարտիրոսյանը, տուն գնալու ճանապարհին Ֆուչիկի փողոցում՝ Մալայանի անվան ակնաբուժական հիվանդանոցի մոտ նկատել է, որ անհայտ անձինք փորձում են կտրել հաստաբուն մի բարդի:
Պատգամավորը մոտեցել է ծառը կտրողներին եւ նրանց հարցրել՝ արդյո՞ք ծառահատման թույլտվություն ունեն: «Նրանք անմիջապես դադարեցրին իրենց գործն ու փախան հիվանդանոցի ուղղությամբ»,- նշեց պատգամավորը՝ հավելելով, որ առայժմ կանգնած սպասում է փողոցում: Նա նաեւ ոստիկանություն է զանգահարել եւ հայտնել ծառահատման մասին:
