նախընտրելի դարձնելԱՄՆ Ինդիանա նահանգում ապրող երեք տարեկան Նատալի Հայհերսթը տառապում է շատ հազվադեպ հանդիպող հիվանդությամբ, որը ստիպում է նրան կուլ տալ բոլորովին ոչ ուտելի առարկաներ։ Ծնողները պատմում են, որ երեխայի սիրելի ուտեստներից են քարերն ու լամպերը, իսկ աղյուսի կտորները նա այնպես է կուլ տալիս, կարծես դա շոկոլադե սալիկ է։
Երեխայի մայրը՝ Քոլինը, բողոքում է, որ ամեն օր ինքը պայքարում է երեխայի հետ, որ չունի այնպիսի բաներ, որոնք կարող են նրան սպանել։
«Մի անգամ ես դստերս պառկեցրի քնելու եւ գնացի ամանները լվալու: Հանկարծ նա մտավ խոհանոց եւ նրա բերանն ամբողջովին արյունոտ էր: Այդ պահին ես միանգամից հասկացա, թե ինչ է տեղի ունեցել: Նատալին ամբողջությամբ կերել էր լամպը եւ թողել միայն պոչի մասը»,- պատմել է Քոլինը: Ծնողները շտապ աղջկան տեղափոխել են հիվանդանոց: Բարեբախտաբար, ամեն ինչ բարեհաջող է ավարտվել, ապակու կտորները հեռացվել են:
Լամպի հետ կապված պատմությունից հետո, Նատալին որոշել է չափից դուրս շատ լամպեր չուտել, բայց նա հիմա այգում գտնում է այլ, ոչ պակաս վտանգավոր առարկաներ:
Երեխային ամեն վայրկյան հետեւում են մայրը, հայրը, եղբայրը (վերջինս ընդամենը 5 տարեկան է):
Ես չգիտեմ ինչ անեմ նրա հետ. ես երբեք չէի լսել նման հիվանդության մասին, մինչ այն պահը, որ դա տեղի ունեցավ իմ դստեր հետ»,-պատմել է Քոլինը, հաղորդում է Ytro.ru-ն:
