Թուրքիայի Նիղդե քաղաքում գտնվող հայկական եկեղեցին Թուրքիայի մշակույթի նախարարի այցից հետո սկսել է վերանորոգվել:

Թուրքական Sondakika կայքի փոխանցմամբ՝   Նիղդեի հայկական եկեղեցում այս տարվա հուլիս սկսված  վերանորոգումն ընթանում է արագ տեմպերով եւ նախատեսվում է ավարտել մինչեւ 2012-ի հունվար:   Եկեղեցին վերանորոգվում է առանց արտաքին տեսքի որեւէ փոփոխությունների:  Եւ հատուկ դրա համար հարակից շրջաններից բերվում են համապատասխան քարեր՝ եկեղեցու բնական տեսքն ապահովելու համար:

Նշենք, որ այս տարվա մարտին Թուրքիայի մշակույթի նախարար Էրթուղրուլ Գյունայն այցելել էր Նիղդեի հայկական եկեղեցի: Թուրք նախարարը կարեւորել էր պատմական հուշարձանի վերականգնումն  ու պահպանությունը՝ նշելով, որ դրանք կնպաստեն զբոսաշրջիկների այցելությունների ավելացմանը։