նախընտրելի դարձնելՍյունիքի մարզում գործող «ՏաԹեւեր» Ճոպանուղին գործարկումից` 2010թ. հոկտեմբերի 23-ից մինչեւ օրս սպասարկել է մոտ 70 000 ուղեւորի, որի ավելի քան 10%-ը հարակից գյուղերի բնակիչներ են, որոնք ճոպանուղուց օգտվել են անվճար:
Այս մասին ճոպանուղու «Հալիձոր» կայանի սպասասրահում, լրագրողների հետ հանիպման ժամանակ նշել է ճոպանուղու տնօրեն պրն Տ. Ղազարյանը, ներկայացնելով ճոպանուղու մեկամյա աշխատանքը եւ իրականացրած ծրագրերը:
Նրա խոսքով, անցած տարվա ընթացքում ճոպանուղու նկատմամբ հետաքրքրությունը հատկապես մեծ է եղել տոն եւ հանգստյան օրերին, որոնց ժամանակ ճոպանուղին սպասարկել է օրական 700- 800 ուղեւորի:
Ճոպանուղու շահագործման ողջ ընթացքում իրականացվել է ամենօրյա մանրակրկիտ տեխնիկական սպասարկում անձնակազմի եւ ճոպանուղին կառուցած շվեյցարացի մասնագետների կողմից` ճոպանուղու շահագործումը եւ տեխնիկական պայմանները հաստատապես պահելով սարքին եւ բացարձակ անվտանգ: Ընթացիկ տարում իրականացվել է ճոպանուղու տեխ. զննում ՀՀ «Տեխնիկական անվտանգության ազգային կենտրոնի» կողմից, որի արդյունքում «ՏաԹեւերը» ճանաչվել է տեխնիկապես բացարձակ սարքին եւ անվտանգ շահագործվող կառույց: Առաջիկայում նախատեսվում է իրականացնել եւս մեկ տեխնիկական զննում, այս անգամ արդեն շվեյցարական եւ ճոպանուղիների շահագործման եվրոպական անկախ մեկ այլ փորձագիտական հանձնախմբի կողմից:
Ողջ տարվա ընթացքում, շահագործման գործընթացին զուգահեռ, իրականացվել են ճոպանուղու երկու կայանների հարակից տարածքների բարեկարգման եւ կանաչապատման աշխատանքներ, տեղադրվել են տեղեկատվական եւ այցելուների եռալեզու ուղեցույց-վահանակներ, ավելի քան 50 նստարաններ եւ աղբամաններ` տարածքը դարձնելով ավելի հարմարավետ այցելուների եւ ուղեւորների համար: Ճոպանուղու «Տաթեւ» կայանում տեղադրվել եւ շուտով շահագործման կհանձնվիսանհանգույց:
Ընթացիկ տարվա ընթացքում «ՏաԹեւեր»-ի «Հալիձոր» կայանի հարակից տարածքում կառուցվել եւ շահագործման համար պատրաստ է սպասասրահ-սրճարանը, որը նախատեսված է ուղեւորների եւ այցելուների հանգստի եւ սպասման հարմարավետ կազմակերպման համար:
«ՏաԹեւեր» ճոպանուղին ոչ միայն զբոսաշրջության զարգացման լավ հնարավորություն է, այլ նաեւ ստեղծել է աշխատատեղ հարակից համայնքների բնակիչների համար: Այսօր ճոպանուղին եւ նորաբաց սրճարան-սպասասրահը ունեն 55 աշխատող, որոնք հարակից համայնքների եւ Գորիսի բնակիչներ են:
