Ֆուտբոլի Հայաստանի ազգային հավաքականի գլխավոր մարզիչ Վարդան Մինասյանը Եվրո-2012-ի ամփոփիչ մամուլի ասուլիսում շնորհակալություն հայտնեց թիմի ֆուտբոլիստներին բարձր պրոֆեսիոնալիզմի եւ մարդկային որակների համար: Մինասյանը հայտարարեց, որ հավաքականի անդամները մեծ ցանկությամբ են ժամանում թիմի խաղերի: Նա նաեւ բարձր գնահատական տվեց հավաքականի մարզչական կազմին, որի հետ աշխատանքը շատ հեշտ է եղել նույնիսկ տարբեր կարծիքների առկայության պայմաններում: