նախընտրելի դարձնել
Ծիծեռնակաբերդի հուշահամալիր տանող ճեմուղու բարեկարգման աշխատանքները կատարվել են 65 տոկոսով։ Այս մասին այսօր՝ դեկտեմբերի 4-ին, Երևանի քաղաքապետարանի հերթական գործակարգավարական խորհրդակցությանը զեկուցել է քաղաքապետարանի Շինարարության և բարեկարգման վարչության պետի ժամանակավոր պաշտոնակատար Խորեն Գրիգորյանը՝ հավելելով, որ ճեմուղու բարեկարգումն արդեն ասֆալտապատման փուլում է։
Քաղաքապետ Տիգրան Ավինյանի հարցին, թե ինչո՞ւ են ձգձգվել ճեմուղու բարեկարգման աշխատանքները, Գրիգորյանը պատասխանեց, որ ճանապարհի երկայնքով ջրահեռացման համակարգ է տեղադրվել։
