Փետրվարի 8-ին Իսլանդիայի հարավ-արևմուտքում գտնվող Ռեյկյանես թերակղզում հրաբխի ժայթքում է սկսվել, հայտնում են երկրի իշխանությունները։

«Սիլինգարֆելից հյուսիս-արևելք սկսվեց փոքր ինտենսիվ երկրաշարժ: Մոտ 30 րոպե անց նույն տարածքում ժայթքում է սկսվել»,- ասվում է Իսլանդիայի օդերևութաբանական գրասենյակի (IMO) հայտարարության մեջ, հայտնում է DW-ն։ Տեղական լրատվամիջոցների կողմից հրապարակված լուսանկարներն ու տեսանյութերը ցույց են տվել, որ անդունդից լավա է հոսում՝ լուսավորելով գիշերային երկնքից բարձրացող ծխի մի շղթա:

IMO-ն ավելացրել է, որ այդ անդունդը մոտ երեք կիլոմետր երկարություն է ունեցել: Այն ձևավորվել է նույն տարածքում, ինչ երկու նախորդ ժայթքումները՝ առաջինը 2023 թվականի դեկտեմբերի 18-ին, իսկ երկրորդը՝ հունվարի 14-ին՝ Գրինդավիկ քաղաքի մոտ:

Սա Իսլանդիայում վերջին երկու տարվա ընթացքում վեցերորդ հրաբխային ժայթքումն է: Գրինդավիկը գտնվում է Ռեյկյանես թերակղզում՝ երկրի հարավ-արևմուտքում։ Քաղաքի բնակչությունը կազմում է 4000 մարդ, որոնք հիմնականում զբաղվում են ձկնորսությամբ։ Մինչև 2021 թվականի մարտը թերակղզին ութ դարերի ընթացքում ժայթքում չէր տեսել: