Նախընտրելի
Քաղաքացիների 78,1 տոկոսը Հայաստանին բարեկամ են համարում Ֆրանսիան, իսկ Ռուսաստանին՝ 29,7 տոկոսը։ Այս մասին ցույց են տալիս Գելլափ միջազգային հետազոտական կենտրոնի հայաստանյան գրասենյակի հարցումները։
«GALLUP International association»-ի հայաստանյան ներկայացուցչության տնօրեն Արամ Նավասարդյանը ներկայացրեց հարցման արդյունքները․
«Ամենաբարձր ցուցանիշը գրանցել է Ֆրանսիան՝ 78,1 տոկոս։ 12 տոկոսը չեզոք են Ֆրանսիայի հետ կապված, 8,8 տոկոսը կարծում է, որ նա ոչ բարեկամ երկիր է։ Երկրորդ տեղում է Հնդկաստանը՝ 68,5 տոկոսով, Իրանը՝ 57,8, ԱՄՆ-ն՝ 41 տոկոս, Չինաստանը՝ 35 տոկոս, Վրաստանը՝ 34 տոկոս, Գերմանիա՝ 32 տոկոս, եւ Ռուսաստանի Դաշնությունը՝ 29,7 տոկոս»։
Նավասարդյանի խոսքով՝ ՌԴ-ի՝ բարեկամ լինելու ցուցանիշի անկումը կապվում է հակաքարոզչության հետ։
