նախընտրելի դարձնել
Իսրայելի պաշտպանության բանակը (ՑԱԽԱԼ) հայտարարել է, որ 2023 թվականի գարնանը և ամռանը վարչապետ Բենիամին Նեթանյահուն ռազմական հետախուզությունից մի քանի ահազանգ է ստացել, որոնցում զգուշացվել է Իսրայելի սոցիալական ցնցումների վերաբերյալ երկրի հակառակորդների արձագանքի մասին, գրում է Times of Israel-ը։
«2023 թվականի ընթացքում՝ մարտից հուլիս՝ հետախուզական գործակալությունը չորս տարբեր նախազգուշական նամակներ է հղել, որոնք ցույց են տվել, թե ինչպես են Իսրայելի թշնամիները պատերազմի տարբեր թատերաբեմերում դիտում Իսրայելի Պետությունում և մասնավորապես Իսրայելի պաշտպանության բանակի համախմբվածությանը հասցված վնասը»,- ասված է Իսրայելի պաշտպանության «Հացլահա» հասարակական կազմակերպության նամակում։
«Հացլահան» պնդում է, որ տեղեկությունը ստանալու մասին հարցումը ներկայացվել է հարձակումից յոթ ամիս առաջ։
Ոմանք մեղադրում են դատական համակարգը բարեփոխելու կառավարության փորձերը և զանգվածային ընդդիմադիր շարժման աճը գնահատել իբրև թուլության դրսևորում, որը 2023 թվականի հոկտեմբերի 7-ին հանգեցրեց ՀԱՄԱՍ-ի հարձակմանը:
Զանգվածային ցույցերի ժամանակ ռազմաօդային ուժերի պահեստազորայինները և այլ զինծառայողներ դադարեցրել են իրենց ծառայությունը՝ բողոքելով կառավարության գործողությունների դեմ՝ ինչը բանակին ստիպել է նախազգուշացնել երկրի պաշտպանունակության վրա հնարավոր հետևանքների մասին:
