նախընտրելի դարձնել
Flightright մասնագիտացված պարբերականը վերլուծել է, թե եվրոպական որ ավիաընկերություններն են ամենաանճշտապահը, որոնք են ամենից հաճախ չեղարկում կամ հետաձգում թռիչքները և որքանով են գոհ հաճախորդները որոշակի փոխադրողի ծառայություններից։
Հակավարկանիշը գլխավորել են ավիաարդյունաբերության երկու ծանր քաշայինները․ British Airways-ը և Lufthansa-ն ստացել են ամենացածր վարկանիշները, գրում է Bild-ը։
Երրորդ ընկերությունը իռլանդական Aer Lingus-ն էր։ Flightright-ը Transavia France-ին ճանաչել է լավագույն եվրոպական ավիաընկերությունը, որին հաջորդում է Austrian Airlines-ը:
Վարկանիշը կազմելու համար վերլուծվել են մի քանի միլիոն տվյալներ տարբեր ավիաընկերություններից թռիչքների մասին։ Այսպիսով, Lufthansa-ն, British Airways-ը և KLM-ը ճանաչվել են ամենաանվստահելի ավիաընկերությունները, իսկ Transavia France-ը, Iberia-ն և Turkish Airlines-ը շատ հուսալի են եղել։ Այնուամենայնիվ, թուրքական ավիաընկերությունները մյուս բոլոր ընկերություններից ամենավատն են թռիչքների հետաձգման կամ չեղարկման դիմաց փոխհատուցում վճարելու հարցում։
Ուղևորները առավելապես գոհ էին Austrian Airlines և Condor ավիաընկերությունների ծառայություններից, սակայն նույնիսկ նրանք ստացան երեք աստղ հնարավոր հինգից։
