նախընտրելի դարձնել
ՌԴ նախագահ Վլադիմիր Պուտինը հայտարարել է, որ Մոսկվան կապի մեջ է և՛ Իսրայելի, և՛ Պաղեստինի հետ, հայտնել է ТАСС-ը։
Ըստ նրա՝ կարգավորման հիմնական ճանապարհը պաղեստինյան պետության ստեղծումն է։ Պուտինի համոզմամբ՝ Իսրայելը պաղեստինյան խնդիրը միայն պաղեստինցիների համար նյութական խթաններով չի կարող լուծել, նշելով որ կարևոր են նաև հոգևոր խնդիրները։
«Պաղեստինցիները չեն լքի իրենց հողը»,- համոզմունք է հայտնել ՌԴ նախագահը։ Պուտինն առաջարկել է վերադառնալ Մերձավոր Արևելքի հարցով «քառյակի» ձևաչափին կամ նույնիսկ ընդլայնել այն։
Նրա գնահատմամբ՝ Իրան-Իսրայել ուղու վրա ամեն ինչ չափազանց լարված է։
«Եթե բանը հասնի դրան, երկու երկրների զինվորներն էլ այնտեղ ուղղակիորեն կկռվեն։ Մենք կապի մեջ ենք Իսրայելի և Իրանի հետ, ունենք բավականին վստահելի հարաբերություններ, և մենք իսկապես կցանկանայինք, որ այս անվերջանալի հարվածների փոխանակումը դադարեցվի։ Եվ անհրաժեշտ է գտնել իրավիճակի կարգավորման այնպիսի ուղիներ, որոնք երկու կողմերին էլ կբավարարեն»,- ընդգծել է Պուտինը։
Նա շեշտել է, որ այս հարցի պատասխանը միշտ փոխզիջումների որոնման մեջ է, որոնք հնարավոր են տվյալ իրավիճակում, որքան էլ դա դժվար լինի։
