Փոփ մշակույթի աշխարհում վաղուց հայտնի է, որ «Սիմփսոնները» անիմացիոն սերիալն օժտված է ապագան կանխատեսելու զարմանալի ունակությամբ։ Այժմ տեսահոլովակը, որն արդեն մի քանի անգամ դարձել է վիրուսային, ըստ ամենայնի, երկրպագուներին համոզում է, որ այս ընտրություններում հաղթող կարող է դառնալ Քամալա Հարիսը, գրում է Euronews-ը։

ԱՄՆ ընտրություններին հաշված ժամեր են մնացել, պայքարն ընթանում է հավասար ուժերի միջև։

Երկարամյա «Սիմփսոնները» անիմացիոն սիթքոմը հայտնի է դարձել նրանով, որ դրա որոշ դրվագներ և կատակներ վախենալու չափ  մարգարեական են դարձել: Անհնար է հերքել, որ շոուի նախախնամական, կյանքի նախազգուշական ունակությունները տարիների ընթացքում զարմանք են հարուցել:

1990 թվականին մարդիկ բողոքում էին Միքելանջելոյի «Դավթի» մերկության դեմ. մի բան, որը տեղի ունեցավ իրական կյանքում, երբ Ֆլորիդայի դպրոցը ստիպեց իր տնօրենին հրաժարական տալ արձանին առնչվող դասի վերաբերյալ բողոքների պատճառով:

1994 թվական. «Լիզան ընդդեմ Մալիբուի Սթեյսիի» դրվագը, որը կարծես թե նախանշում էր Բարբիի հիստերիան, որը կապված էր Գրետա Գերվիգի ֆիլմի թողարկման և Դոնալդ Թրամփի մեղադրական եզրակացության հետ։

1996 թվական. «Հոմերպալոզա»-ն կանխատեսեց, որ Cypress Hill հիփ-հոփ խումբը Լոնդոնի սիմֆոնիկ նվագախմբի հետ համատեղ համերգ կկազմակերպի, ինչը տեղի ունեցավ այս տարի:

1998 թվական.  ճշգրիտ կանխատեսում, որ Disney ձեռք կբերի 20th Century Fox կինոստուդիան... Ցանկը կարելի է  շարունակել:

Բայց, թերևս, ամենաաղմկոտ դեպքը 2000 թվականի «Բարտն ապագայում» դրվագն է, որտեղ Դոնալդ Թրամփը ԱՄՆ նախագահ դարձավ։

Հենց այս դրվագում է Լիզան դառնում նախագահ։ Օվալաձև կաբինետում կանգնած նա ասում է. «Ինչպես գիտեք, մենք նախագահ Թրամփից բավականին մեծ բյուջեի դեֆիցիտ ենք ժառանգել»:

2017 թվականին Թրամփի` Միացյալ Նահանգների 45-րդ նախագահ դառնալուց մեկ շաբաթ անց, շոուի սկզբում կրկնվող գրատախտակում գրված էր. «Ճիշտ լինելը բանի պետք չէ»: Նրանց կանխատեսումը չափազանց ճշգրիտ դարձավ, երբ հաշվի առնենք, որ Թրամփի վարչակազմը վերահսկել է բոլոր նախագահների բյուջեի դեֆիցիտի երրորդ ամենամեծ աճը:

Նախկինում այս դրվագը վիրուսային էր, երբ Քամալա Հարիսը դարձավ Միացյալ Նահանգների առաջին կին փոխնախագահը, քանի որ Լիզան կրում էր շատ նման մանուշակագույն կոստյում՝ մարգարտյա վզնոցով և ականջօղերով...

Այժմ դրվագը կրկին դառնում է բոլորի շուրթերին է, քանի որ կանխատեսումը ստացավ հետագա հաստատում, երբ Թրամփը հայտարարեց, որ առաջադրվելու է նախագահի պաշտոնում 2024 թվականին, նույն տարին, ինչ ի սկզբանե կանխատեսել էին «Սիմփսոնները»: