նախընտրելի դարձնել«Time» ամսագրի վարկածով տարվա մարդ է դարձել Թուրքիայի վարչապետ, «Արդարություն եւ զարգացում» կուսակցության առաջնորդ Ռեջեբ Էրդողանը: Ուշագրավ է, որ նա միաժամանակ դարձել է նաեւ տարվա «հակամարդը»:
Այսպես, ամսագրի ընթերցողների շրջանում անցկացված online հարցման արդյունքում ավելի քան 120 հազար մարդ տարվա մարդ է համարել Էրդողանին, սակայն մոտ 20%-ը հակառակ տեսակետ է արտահայտել: Հակավարկանիշային ցուցակում Էրդողանը բավականին «առաջ է անցել» նախորդող թեկնածուից:
Lenta.ru-ն նշում է, որ նման հայտնիության երաշխիքը թուրք վարչապետի կոշտ քաղաքականությունն է, ինչպես նաեւ համացանցում կազմակերպված գովազդային արշավը: Հիմնականում նրա օգտին քվեարկել են արաբներն ու թուրքերը, ովքեր, գոհ են, օրինակ, այն բանից, որ Էրդողանին հաջողվել է կարճ ժամանակահատվածում փչացնել հարաբերությունները Հայաստանի, Իսրայելի, Իրաքի, Սիրիայի եւ մի շարք այլ երկրների հետ: Էրդողանը գնացել է ԱՄՆ-ի եւ ՆԱՏՕ-ի հետ հարաբերությունների ամրապնդման` համաձանելով Թուրքիայիում հակահրթիռային համակարգի տեղակայմանը:
Նշենք, որ վարկանիշային ցուցակում Էրդողանին հաջորդում է իսպանական «Բարսելոնի» հարձակվող Լեոնել Մեսին, ով ստացել է 74 հազ. ձայն:
