Նախընտրելի
Verdi արհմիությունը շարունակում է նախազգուշական գործադուլները պետական հատվածում` Գերմանիայի դաշնային և տեղական մակարդակներում, հայտնում է DW-ն։
Մասնավորապես, մարտի 11-ին մի շարք դաշնային նահանգներում գործադուլ են հայտարարել մունիցիպալ ադմինիստրացիաների, մանկապարտեզների, կլինիկաների, զբաղվածության կենտրոնների և աղբահանող ընկերությունների աշխատակիցները:
Ինչպես նշվում է, Հյուսիսային Ռեյն-Վեստֆալիա նահանգն ակնկալում է ավտոբուսների և տեղական գնացքների ծառայությունների ամբողջական չեղարկում։
Verdi արհմիությունը պահանջում է պետական հատվածի աշխատողների աշխատավարձի 8%-ով բարձրացում, բայց առնվազն 350 եվրոյով ավելի։
Գործատուները դեռ կոնկրետ առաջարկ չեն ներկայացրել։ Սակագնային վեճը շարունակվում է:
