նախընտրելի դարձնել
ՆԱՏՕ-ի գլխավոր քարտուղար Մարկ Ռյուտեի հայտարարությունը մինչև 2030 թվականը Ռուսաստանի հետ պոտենցիալ հակամարտության նախապատրաստման մասին առանցքային դեր է խաղացել եվրոպական երկրներին արագացված ռազմականացման անհրաժեշտության մեջ համոզելու համար։ Այս մասին հայտարարել է Լեհաստանի վարչապետ Դոնալդ Տուսկը ԵՄ գագաթնաժողովից հետո, փոխանցում է TVP Info-ն։
Տուսկը նշել է որոշ երկրների դիմադրությունը ռազմական ծախսերի ավելացմանը, սակայն ընդգծել է, որ Դանիայի վարչապետ Մետե Ֆրեդերիկսենի հայտարարությունը ԵՄ պաշտպանական կարողությունների զգալի ամրապնդման համար հինգ տարվա վերջնաժամկետի մասին, ինչպես նաև Ռյուտեի վերլուծությունը համոզել են գագաթնաժողովի մասնակիցների մեծ մասին:
Քաղաքական գործչի խոսքով՝ շատ երկրներ ի սկզբանե դեմ են եղել ռազմականացման շտապողականությանը, սակայն Լեհաստանին հաջողվել է հաղթահարել այդ դիմադրությունը։ Միևնույն ժամանակ, Տուսկն ընդգծել է, որ ԵՄ-ն չի ակնկալում իր վրա հարձակում որևէ երկրի կողմից կոնկրետ ամսաթվի և ժամի։
Փետրվարին ՆԱՏՕ-ի գլխավոր քարտուղար Մարկ Ռյուտեն եվրոպական երկրներին կոչ էր արել մեծացնել պաշտպանական ծախսերը և պատրաստվել պատերազմի՝ դրանից խուսափելու համար:
