Նախընտրելի
Ռուսաստանի նախագահ Վլադիմիր Պուտինն ամռան վերջին, աշնան սկզբին կայցելի Չինաստան։ Ռուսաստանի առաջնորդը կմասնակցի Երկրորդ համաշխարհային պատերազմում հաղթանակի տարեդարձին նվիրված միջոցառումներին, ճեպազրույցի ժամանակ հայտարարել է Ռուսաստանի նախագահի օգնական Յուրի Ուշակովը, փոխանցում է ՏԱՍՍ-ը։
«Երկու երկրների ղեկավարների համատեղ մասնակցությունը մայիսի 9-ին նվիրված՝ տարեդարձի տոնակատարություններին, ինչպես նաև միլիտարիստական Ճապոնիայի նկատմամբ տարած հաղթանակին և Երկրորդ համաշխարհային պատերազմի ավարտին, արդեն դառնում է բարի ավանդույթ։ Այդպես էր 10 տարի առաջ, այդպես էր 2015 թվականին, այդպես կլինի նաև այս տարի»,- նշեց Կրեմլի ներկայացուցիչը,- «Մեր նախագահը նախատեսում է այցելել Չինաստանի Ժողովրդական Հանրապետություն օգոստոսի վերջին, սեպտեմբերի սկզբին»։
«Չինաստանի Ժողովրդական Հանրապետության նախագահը, որպես մեր գլխավոր հյուր, ներկա կլինի նաև Հաղթանակի 80-ամյակին նվիրված այլ տոնական միջոցառումներին», - հայտարարեց Ուշակովը։
Միլիտարիստական Ճապոնիան սեպտեմբերի 2-ին հանձնվեց՝ ավարտելով Երկրորդ համաշխարհային պատերազմը։ Ճապոնական բանակը հարձակվում և ավերում էր չինական տարածքը 1930-ականների սկզբից ի վեր։ Հավատարիմ մնալով իր դաշնակցային պարտավորություններին՝ ԽՍՀՄ-ն, ավարտելով Գերմանիայի պարտությունը, մտավ պատերազմ Ճապոնիայի դեմ և ազատագրեց Չինաստանի տարածքի զգալի մասը, այդ թվում՝ ոչնչացնելով թշնամու ամենաուժեղ խմբավորման՝ Մանջուրիայում գտնվող Քվանտունգի բանակի ստորաբաժանումները, գրում է ՏԱՍՍ-ը։
