Իրանի քաղաքացուն, որը 36 հազար դոլար յուրացնելու համար Ինտերպոլի կողմից միջազգային հետախուզման մեջ էր, Ռուսաստանից արտահանձնել են հայրենիք։ Այս մասին հայտնել է ՌԴ ՆԳՆ պաշտոնական ներկայացուցիչ Իրինա Վոլկը։

Ըստ նրա, 2020 թվականին իրանցին խորհրդատվություն է տրամադրել կրիպտոարժույթի հարցերով։

Ինչպես հայտնում է «Газета.ру»-ն, մի կին, ցանկանալով միջոցներն անվտանգ ներդնել կրիպտոբորսայի միջոցով, նրան 36 հազար դոլար է փոխանցել, սակայն տղամարդը յուրացրել է գումարը և հրաժարվել վերադարձնել այն։

Այս փաստով Իրանի իրավապահները քրեական գործ են հարուցել, իսկ ֆիգուրանտը հայտարարվել է միջազգային հետախուզման մեջ։

Ռուսաստանյան ոստիկանները պարզել են նրա գտնվելու վայրը Մոսկվայում և ձերբակալել են։ ՌԴ Գլխավոր դատախազության կողմից արտահանձնման հարցումը բավարարելուց հետո քաղաքացուն հանձնել են Իրանի իրավապահ մարմինների ներկայացուցիչներին՝ քրեական պատասխանատվության ենթարկելու համար։