Դոնալդ Թրամփը մտադիր է խաղաղարարի դերում հանդես գալ ևս մեկ հակամարտությունում։ Ըստ ԶԼՄ-ների, Սպիտակ տունը Իսրայելի և Սիրիայի իշխանությունների միջև հանդիպում է նախապատրաստում։

Իսրայելը և Սիրիան շփվում են անվտանգության հարցերով, սեպտեմբերին Վաշինգտոնի միջնորդությամբ կարող է համաձայնագիր կնքվել, հայտնում են արաբական լրատվամիջոցները։

Ըստ լրատվամիջոցների, ԱՄՆ-ն մշակում է այն հանդիպման մանրամասները, որին ներկա կլինեն Իսրայելի վարչապետ Բենյամին Նեթանյահուն, Սիրիայի ղեկավար Ահմեդ աշ-Շարաան և Դոնալդ Թրամփը։

«Այս ուղղությամբ քայլերից մեկը դարձել է բանակցություններ վարելու համար ընդլայնված լիազորություններով ՄԱԿ-ում Սիրիայի նոր ներկայացուցչի վերջերս կատարված նշանակումը»,- հայտնել է աղբյուրը։

Ըստ ԶԼՄ-ների, երկու երկրների ղեկավարների հանդիպումը կարող է կայանալ Նյու Յորքում՝ ՄԱԿ-ի Գլխավոր ասամբլեայի շրջանակներում։ Ինչպես նշում են աղբյուրները, փաստաթղթերը հարաբերությունների կարգավորման ուղենիշ կսահմանեն, սակայն դա լիարժեք խաղաղության համաձայնագիր չի լինի։

Տեղեկություններ են ստացվում նաև Փարիզում Դամասկոսի և Թել Ավիվի ներկայացուցիչների միջև բանակցային գործընթացի զարգացման մասին։

Հունիսին The Times of Israel թերթը հայտնել էր, որ նոր Դամասկոսը կարող է հրաժարվել Գոլանի բարձունքները վերադարձնելու Իսրայելին ուղղված պահանջներից՝ միջազգային ճանաչման դիմաց։