Թբիլիսիում կինը սառը զենքով սպանել է ամուսնուն, հայտնում է Грузия Online-ը։

Սպանությունը տեղի է ունեցել երեկ։ Վրաստանի ՆԳՆ աշխատակիցներն արդեն ձերբակալել են կասկածյալին։
Ըստ գերատեսչության, սառը զենքով վնասվածքները հասցվել են անձնական վեճի հողի վրա, ինչից հետո տղամարդը մահացել է։

«Իրականացված օպերատիվ-հետախուզական միջոցառումների և քննչական գործողությունների արդյունքում Թբիլիսի քաղաքի ոստիկանության դեպարտամենտի աշխատակիցները, թարմ հետքերով, ընտանիքի անդամի դիտավորյալ սպանության մեղադրանքով ձերբակալել են 2000 թվականին ծնված քաղաքացուհի Տ. Գ.-ին։

Քննությամբ պարզվել է, որ օգոստոսի 22-ին Թբիլիսիում, բնակարաններից մեկում, անձնական վեճի հողի վրա, մեղադրյալը սառը զենքով մահացու վիրավորում է հասցրել իր ամուսնուն՝ 2003 թվականին ծնված Լ. Գ.-ին։

Մեղադրյալը ձերբակալվել է թարմ հետքերով, որպես իրեղեն ապացույց առգրավվել է սպանության գործիքը՝ դանակը։

Քննությունը տարվում է Վրաստանի Քրեական օրենսգրքի 109-րդ հոդվածի «Ի» կետով՝ ծանրացնող հանգամանքներում ընտանիքի անդամի դիտավորյալ սպանություն։ Մեղադրյալին սպառնում է մինչև 20 տարվա ազատազրկում կամ ցմահ բանտարկություն»,- ասվում է Վրաստանի ՆԳՆ հայտարարության մեջ։