Ռուսաստանի Նիժնի Նովգորոդի մարզում 5 մարդ մահացել է սուրոգատ ալկոհոլից թունավորվելով, հայտնում է SHOT Telegram-ալիքը։

Ռեսուրսի տեղեկություններով, դեպքը տեղի է ունեցել Բալախնա քաղաքում։

Երկու մարդ մահացել է Չապաևի փողոցի բնակելի տանը՝ մինչև բժիշկների ժամանելը, ևս երեքը՝ շտապօգնության մեքենայում։

Զոհերը մեկ կին և չորս տղամարդ են։ Ականատեսները հարցաքննվում են, մոտ ժամանակներս կանցկացվեն դատաբժշկական փորձաքննություններ։

Մահվան ելքով թունավորումից հետո հարուցվել է քրեական գործ՝ վտանգավոր արտադրանքի իրացման վերաբերյալ։

SHOT-ի տվյալներով, ոստիկանությունը ստուգում է վաճառքի մի քանի կետեր, որտեղից կարող էր ձեռք բերվել կեղծ ալկոհոլը։