նախընտրելի դարձնել
Իրանի դեմ շարունակվող ռազմական գործողությունների ֆոնին Միացյալ Նահանգները համաձայնության է եկել ԱՄԷ-ի հետ՝ արագացնելու F-16 կործանիչների, հակաօդային պաշտպանության համակարգերի եւ անօդաչուների դեմ հակաօդային համակարգերի համար նախատեսված հրթիռների մատակարարումը ԱՄԷ զինված ուժերին, որոնց ընդհանուր արժեքը կկազմի 8 միլիարդ դոլար: Այս մասին «The National» թերթին ասել է ԱՄՆ-ում ԱՄԷ դեսպան Յուսեֆ Ալ-Օթայբան։
«Մենք շնորհակալություն ենք հայտնում Միացյալ Նահանգներին այս փաթեթի արագ հաստատման համար: Այս կարեւորագույն արդիականացումները կամրապնդեն ԱՄԷ պաշտպանությունը հիմա եւ ապագայում»,- նշել է դեսպանը:
Նա նշել է, որ շարունակվող ռազմական գործողությունների ֆոնին ԱՄՆ պետդեպարտամենտը որոշել է շրջանցել Կոնգրեսի հաստատումը զենքի վաճառքի հարցում, քանի որ Մերձավոր Արեւելքում մարտական գործողությունները պահանջում են արագ գործողություններ:
Սպառազինությունների փաթեթը ներառում է 4.5 միլիարդ դոլար արժողությամբ THAAD հակաօդային պաշտպանության համակարգեր, 2.1 միլիարդ դոլար արժողությամբ փոքր անօդաչու թռչող սարքեր եւ դրանց հետ կապված սարքավորումներ, ինչպես նաեւ ԱՄԷ ռազմաօդային ուժերի F-16-ների համար նախատեսված 1.22 միլիարդ դոլար արժողությամբ հրթիռներ:
