նախընտրելի դարձնել
Իսրայելի կողմից Իրանի նավթային ենթակառուցվածքներին հասցված հարվածները ցույց են տվել, որ ԱՄՆ-ը եւ հրեական պետությունը տարբեր նպատակներ են հետապնդում Իրանում իրենց գործողությունների ընթացքում, հաղորդել է The Washington Post (WP)-ն՝ հղում կատարելով աղբյուրներին։
Նրանց խոսքով՝ դաշնակիցների միջեւ նպատակների շուրջ տարաձայնություններ են առաջացել մարտի սկզբին իրանական նավթային օբյեկտների վրա Իսրայելի կատարած հարվածներից հետո, որոնք հանգեցրել են թունավոր արտանետումների եւ թթվային անձրեւի։ Բացի այդ, Հորմուզի նեղուցում նավագնացության խափանումը եւ դրա ազդեցությունը համաշխարհային տնտեսության վրա էական դեր են խաղացել։
«Իսրայելը այրված հողի արշավ է վարում՝ [Իրանում] ռեժիմի փոփոխության հասնելու համար, ինչը մեր նպատակը չէ։ Բիբին ցանկանում է ոչնչացնել Իրանի տնտեսությունը եւ նրա էներգետիկ ենթակառուցվածքը։ Թրամփը ցանկանում է դրանք պահպանել անձեռնմխելի», թերթին ասել է ԱՄՆ բարձրաստիճան պաշտոնյան։
Թերթը նշել է, որ տարաձայնություններն ակնհայտ են դարձել ԱՄՆ-ի կողմից Իսրայելի նկատմամբ քննադատությունից հետո՝ Իրանի Հարավային Փարս գազային հանքավայրին հասցված հարվածներից հետո, որոնց մասին Սպիտակ տունը, ենթադրաբար, ոչինչ չգիտեր։ Սակայն իսրայելցի պաշտոնյաները հերքում են կարծիքների ցանկացած տարաձայնություն եւ պնդում են, որ ԱՄՆ եւ Իսրայելի առաջնորդները քննարկում են իրավիճակը «գրեթե ամեն օր» եւ հետապնդում են «բաժանիր եւ տիրիր» ռազմավարությունը։
