Թուրքիայի արտաքին գործերի նախարար Հաքան Ֆիդանը Իրանի և Եգիպտոսի գործընկերների, ինչպես նաև ԱՄՆ-ի և ԵՄ-ի պաշտոնյաների հետ քննարկել է Իրանի, ԱՄՆ-ի և Իսրայելի միջև պատերազմը դադարեցնելուն ուղղված քայլերը։ Այս մասին հայտնում է Reuters գործակալությունը՝ հղում անելով թուրքական դիվանագիտական աղբյուրին։

Ըստ աղբյուրի, Ֆիդանն առանձին հեռախոսազրույցներ է ունեցել Իրանի արտգործնախարար Աբաս Արաղչիի, Եգիպտոսի արտգործնախարար Բադր Աբդելատիի, Եվրոպական միության արտաքին քաղաքականության գերատեսչության ղեկավար Կայա Կալասի և ԱՄՆ պաշտոնյաների հետ։

Լրատվամիջոցի աղբյուրն այս բանակցությունների վերաբերյալ այլ մանրամասներ չի հայտնել։