ԱՄՆ նախագահ Դոնալդ Թրամփը Truth Social սոցիալական ցանցում նշել է Ամերիկայի «մեծագույն թշնամուն»՝ Իրանի «մահից» հետո։

«Այժմ՝ Իրանի մահից հետո, Ամերիկայի մեծագույն թշնամին է դարձել միանգամայն անձեռնահաս ձախ Դեմոկրատական կուսակցությունը։ Շնորհակալություն այս հարցի նկատմամբ ձեր ուշադրության համար»,- գրել է ԱՄՆ նախագահը։

Ավելի վաղ ԱՄՆ Ներկայացուցիչների պալատի դեմոկրատների առաջնորդ Հաքիմ Ջեֆրիսը հայտարարել էր, որ ԱՄՆ-ին «իշխանափոխություն» է անհրաժեշտ։

«Դոնալդ Թրամփն ու հանրապետական ծայրահեղականները Մերձավոր Արևելքում անմիտ պատերազմ են սանձազերծել։ Գազի գները բարձրանում են, միլիարդավոր դոլարներ են վատնվում, իսկ մեր երկիրն ավելի ու ավելի անապահով է դառնում։ Մեզ Ամերիկայում իշխանափոխություն է անհրաժեշտ»,- X սոցիալական ցանցում գրել է քաղաքական գործիչը։

Հիշեցնենք, որ ԱՄՆ-ն և Իսրայելը փետրվարի 28-ից հարձակվում են Իրանի տարածքի վրա, ինչը հանգեցրել է ավերածությունների և մարդկային զոհերի։ Ի պատասխան դրա՝ Իրանը հրթիռային հարվածներ է հասցնում Իսրայելին և տարածաշրջանում ԱՄՆ ռազմաբազաներին։ Իսրայելի և ԱՄՆ-ի հարձակման հետևանքով սպանվել են նաև Իրանի գերագույն առաջնորդ այաթոլա Ալի Սեյեդ Խամենեին և երկրի այլ բարձրաստիճան պաշտոնյաներ։