«Հրեշտակ Տեառն» (Angelus) աղոթքից հետո Հռոմի Լևոն XIV պապն իր խորը մտահոգությունն է հայտնել Մերձավոր Արևելքի, ինչպես նաև աշխարհի այլ՝ «պատերազմից ու բռնությունից տառապող» տարածաշրջանների իրավիճակի վերաբերյալ. հայտնում է Vatican News-ը:

Նա ընդգծել է, որ «մենք չենք կարող լռել այսքան մարդկանց՝ այս հակամարտությունների անմեղ զոհերի տառապանքների առջև»։

«Այս անդադար բռնությունը վիրավորում է յուրաքանչյուրին. այն, ինչ վնասում է նրանց, վնասում է ողջ մարդկությանը»,- ասել է քահանայապետը:

Լևոն պապը նախազգուշացրել է, որ այս պատերազմների հետևանքով առաջացած ցավը, մահն ու տառապանքը «ամոթ են ողջ մարդկային ընտանիքի համար և աղաղակ՝ Աստծո առաջ»։

Նա բոլորին կոչ է արել շարունակել աղոթել, որպեսզի «ռազմական գործողությունները դադարեն և վերջապես խաղաղության ուղիներ բացվեն՝ հիմնված անկեղծ երկխոսության և յուրաքանչյուր մարդու արժանապատվության հարգման վրա»։