Նախընտրելի
Գերմանական Marvel Fusion ընկերությունն ուսումնասիրում է իր լազերային տեխնոլոգիայի ներուժը ոչ միայն միջուկային միաձուլման, այլև պաշտպանական, բժշկական և արդյունաբերական կիրառությունների համար, հաղորդում է Bloomberg-ը՝ հղում անելով աղբյուրներին։
Ըստ աղբյուրների՝ ընկերությունը բանակցություններ է վարում ներդրողների հետ իր լազերային մշակումները շուկա դուրս բերելու վերաբերյալ և միաժամանակ քննարկում է իր գլխավոր գրասենյակը Միացյալ Նահանգներ տեղափոխելու հնարավորությունը, որպեսզի ֆինանսավորման հասանելիությունը հեշտացվի։ Marvel Fusion-ն արդեն իսկ ներգրավել է մոտ 400 միլիոն դոլարի ներդրումներ, դրանց թվում՝ գերմանական Siemens Energy ընկերությունից և շվեդական EQT ներդրումային հիմնադրամից։
Ըստ աղբյուրների՝ ընկերությունն ուսումնասիրում է լազերային կիրառությունները պաշտպանական ոլորտում, մասնավորապես՝ անօդաչու թռչող սարքերի դեմ պայքարում, ինչպես նաև բժշկական և արդյունաբերական կիրառություններում։
Marvel Fusion-ն ավելի վաղ համագործակցել է Կոլորադոյի պետական համալսարանի հետ՝ լազերային միաձուլման հետազոտական կենտրոն կառուցելու համար։ Նախատեսվում է, որ կառույցը կբացվի 2026 թվականից հետո։
