Մերձավոր Արևելքում ռազմական գործողությունները շարունակվում են՝ սրելով լարվածությունը տարածաշրջանում և մտահոգություն առաջացնելով միջազգային հանրության շրջանում: Երկու կողմերի կողմից իրականացված ռազմական հարվածներն ու պատասխան գործողությունները շարունակում են ազդել ոչ միայն տարածաշրջանի երկրների, այլև համաշխարհային տնտեսական իրավիճակի վրա:

NEWS.am-ը ներկայացնում է հինգշաբթի երեկոյան Մերձավոր Արևելքում տեղի ունեցած հիմնական իրադարձությունների համառոտ ակնարկը

ԱՄՆ նախագահ Դոնալդ Թրամփը հայտարարել է, որ ԱՄՆ-ի հետ իրանցի բանակցողները վախենում են սպանվելուց: Նա պնդել է, որ իրանցի պաշտոնյաները մասնակցում են Վաշինգտոնի հետ խաղաղության բանակցություններին, բայց հերքում են դա՝ սպանության վախից:

Թրամփը նաև նշել է, որ ԱՄՆ-ն «այլընտրանք չուներ», քան պատերազմ սկսելը և կարծում էր, որ իրավիճակը «ավելի վատ» կլինի էներգակիրների գների բարձրացման հետ:

ԱՄՆ բանակը հայտարարել է, որ հարվածել է Իրանում ավելի քան 10,000 ռազմական թիրախների: «Հեզբոլլահը» ավիահարվածներ է հասցրել Թել Ավիվի վրա: Հաղորդվում է, որ հարվածվել են երեք թիրախներ:

Իսրայելական բանակը մի շարք ավիահարվածներ է հասցրել Սպահանի վրա: