ՆախընտրելիՀայաստանում ռուսական գիտության եւ մշակույթի «Ռոսսոտրուդնիչեստվո» ներկայացուցչությունում կկայանա կերպարվեստի ստուդիայի բացումը:
Ինչպես NEWS.am-ին հայտնեցին Հայաստանում «Ռոսսոտրուդնիչեստվո» 5 ներկայացուցչության մամլո ծառայությունում, կերպարվեստի ստուդիա են հրավիրվում տարեկան եւ ավելի բարձր տարիքի երեխաներ, դպրոցականներ, ինչպես նաեւ բուհերի ուսանողներ: Ուսուցումը կատարվելու է հատուկ ծրագրով:
«Կերպարվեստ» ծրագիրը ներառում է գեղանկարչություն, գրաֆիկա, քանդակագործություն, դեկորատիվ արվեստ, ճարտարապետություն, դիզայն: Կերպարվեստի բոլոր տեսակներն ուսումնասիրվում են երաժշտության, թատրոնի, կինոարվեստի զուգադրմամբ: Պարամունքները կուղեկցվեն ռուսական, հայկական, համաշխարհային արվեստի մասին զրույցներով, ինչպես նաեւ անցյալի եւ ներկայի մեծագույն ստեղծագործողների մասին պատմություններով:
«Կերպարվեստի» դասընթացը կվարի նկարիչ, ճարտարապետ-դիզայներ Դարյա Բոչկովսկայան Ռուսաստանից:
Նշենք, որ կերպարվեստի ստուդիայի աշխատանքի կազմակերպման գաղափարը ծագել էր ռուսական գիտության եւ մշակույթի կենտրոնում հոկտեմբերի 28-ին երիտասարդ ռուս ճարտարապետ-դիզայներ Դարյա Բոչկովսկայայի «Անուրջներ» անվանմամբ ցուցահանդեսի բացումից հետո, որն անցել էր մեծ հաջողությամբ:
