Բոստոնում հոկտեմբերի 28-ին կկայանա Հայոց ցեղասպանության մասին փաստագրական ֆիլմի պրեմիերան:
Ռենդի Բելի եւ Էրիկ Խաչիկյանի «Ճանապարհորդություն դեպի Ամասիա» ֆիլմի համաշխարհային պրեմիերան կայացել էր 2011թ. դեկտեմբերին Տորոնտոյում, որտեղ արժանացել էր լավագույն փաստագրական ֆիլմ մրցանակին:
Ֆիլմը պատմում է երգահան Էրիկ Խաչիկյանի`դեպի Ամասիայում գտնվող հայրենի տուն ճանապարհորդության մասին, որտեղից շուրջ 100 տարի առաջ արտաքսվել էր նրա տատիկ Էլեն Շուշանը: Ֆիլմի ցուցադրությունը կազմակերպվել է Ամերիկայի հայկական կազմակերպությունների կողմից: