NEWS.am-ի թղթակցի հետ զրույցում «Արմենալ» գործարանի գլխավոր տնօրեն Վյաչեսլավ Սինելնիկովը պատմեց արդիականացման հեռանկարների, 2013թ. ծրագրերի, ԱՄՆ եւ ԵՄ ֆոլգայի շուկաների կոնյունկտուրայի մասին: Ուշագրավ է, որ Կովկասում եւ Կենտրոնական Ասիայում ալյումինային ֆոլգայի միակ արտադրող «Արմենալի» մասնաբաժինը վերջին տարիներին կազմում է Հայաստանից ԱՄՆ արտահանման ողջ ծավալի 80-85%-ը:
2012-14թթ. ընկերությունը ծրագրում է 6 մլն դոլարի ներդրում կատարել: Ի՞նչ ծավալ է իրականացվել 2012թ-ին եւ ինչի է ուղղվել:
Ներդրումայի ծրագրի իրականացումը նախատեսվում է 2013-2014 թվականներին: Սակայն այստեղ խնդիրը պայմանավորված է ալյումինի բորսային գներով, որից կախված էլ ծրագիրը կիրականացվի: 2013թ-ին նախատեսվում է իրականացնել նախապատրաստական փուլը, իսկ իրականացումը կլինի 2014թ-ին: Ծրագիրը ենթադրում է որոշակի շինարարական աշխատանքներ եւ ուղղված է ծախսերի նվազմանը: Դա հիմնականում էկոլոգիական նախագիծ է` ուղղված սառեցնող քսանյութերի ծախսերի նվազմանը:
2012 թ-ին ի՞նչ ծավալի ալյումինային ֆոլգա է արտադրվել եւ ինչպիսի՞ն են 2013թ. ծրագրերը:
Երեք տարվա ընթացքում` 2010-2012թթ., արտադրության ծավալներն ավելացել են 22%-ով` 2009թ. համեմատ: Հիմնական աճը`14%, արձանագրվել է 2010թ. երկրորդ կիսամյակում, 2011թ-ին եւ 2012թ-ին աճը կազմել է 4-ական տոկոս: Եթե 2011թ-ին արտադրել ենք 25,3 հազ. տոննա, 2012թ-ին` 26,2 հազ. տոննա, ապա այս տարի նախատեսում ենք ծավալը հասցնել 27 հազար տոննայի:
Որքնո՞վ է հեռանկարային ներքին շուկան, մասնավորապես, շինարարականը, որտեղ ֆոլգան կարող է ինժեներական համակարգերի ջերմամեկուսիչի պահանջարկ ունենալ:
Շինանյութերի շուկան բավականին հետաքրքիր է: Ռուսաստանում այդ ոլորտում իրացումը վատ չէ: Իսկ Հայաստնում ես դեռ չեմ տեսնում, որ պոտենցիալ պատվիրատուներից որեւէ մեկը դրանով լրջորեն զբաղվի: Շինարարության մեջ ֆոլգան հիամնականում օգտագործվում է ջերմամեկուսիչ նյութերի վրա: Հանրապետությանում կան նման արտադրանքի փոքր արտադրողներ, որոնց ծավալը չի գերազանցում եռամսյակային կտրվածքով 3-5 տոննան, ինչը «Արմենալի» համար ընդհանրապես ցուցանիշ չէ:
ԱՄՆ միջազգային առեւտրի հանձնաժողովի տվյալներով` 2011թ-ից «Արմենալը» ԱՄՆ չի արտահանում 0.01մմ հաստությունից, այսինքն` 10 միկրոն, պակաս ֆոլգա: Ինչի՞ հետ է դա կապված, եւ շարունակո՞ւմ է գործարանը դրա արտադրությունը:
ԱՄՆ մենք արտահանում ենք 10- 22 միկրոն հաստությամբ ֆոլգա: Բարակ է համարվում 9 մկրոնից ցածր ֆոլգան: 2011թ-ին մենք 300 տոննա ենք արտադրել դրանից, անցած տարի ծավալը հասցրել ենք մինչեւ 800 տոննա, եւ ամբողջը արտահանվել է եվրոպական շուկա: ԱՄՆ մենք կենցաղային ֆոլգա ենք առաքում, այդ նպատակների համար բարակ ֆոլգան այնքան էլ պիտանի չէ: Ավելացնեմ, որ ընդհանուր առմամբ, մեզ մոտ միտումը ֆոլգայի հաստության նվազման է գնում:
Հե՞շտ էր «Արմենալի» համար եվրոպական շոիկայում մրցակցությունը այն բանից հետո, երբ Եվրահանձնաժողովը 2012թ. սեպտեմբերին Չինաստանի համար սկսեց սահմանափակող մաքսավճարներ կիրառել ֆոլգայի համար:
ԵՄ շուկայում մեզ համար փոփոխություններ չկան: Չինացիներին այնտեղ նախկինի պես թույլ չեն տալիս մտենել, իսկ մենք կարող ենք 9 միկրոնից բարակ ֆոլգա մատակարարել: Ուստի այնտեղ նրանց հետ մրցակցություն չունենք: