Երեւանի կոնյակի գործարանը 2012 թ. գրանցել է կոնյակի արտադրության 25% աճ, այս տարի եւս նախատեսվում է 27-28% աճ: Այդ մասին այսօր՝ ապրիլի 8-ին լրագրողների հետ հանդիպման ժամանակ ասաց Երեւանի կոնյակի գործարանի գործադիր տնօրեն Արա Գրիգորյանը:
Կոնյակի վաճառքները 2012 թ. հասել են 3.5 մլն լիտրի, 2011 թ. 2.7 մլն լիտրի համեմատ: Ա. Գրիգորյանի խոսքով՝ կոնյակի արտահանման աշխարհագրությունն էապես չի ընդլայնվել, սակայն ընկերությանը հաջողել է ավելի խորությամբ թափանցել այն շուկաները, որոնցում արդեն վաղուց հաստատված է:
Նշենք, որ հայկական կոնյակի մեծ մասը սպառվում է ռուսաստանյան շուկայում: «Շուկայի վերլուծություններն ունենք, հույս ունենք, որ առաջիկա 5-7 տարում կոնյակագործությունը չի հայտնվի այն վիճակում, ինչպես եղավ ճգնաժամի ժամանակ: Ավելի ճկուն ու ավելի արագ կարձագանքենք շուկայի փոփոխություններին»,- ասաց Ա. Գրիգորյանը:
Նրա գնահատմամբ՝ վրացական կոնյակի ներկրման արգելքի վերացումը ռուսական շուկայում որեւէ ազդեցություն չեն ունենա հայկական կոնյակի արտահանման ծավալների վրա:
