Հայտնի բանաստեղծ Հովհաննես Շիրազի որդին` քանդակագործ Արա Շիրազը մոտ մեկ շաբաթ է՝ ծայրահեղ ծանր վիճակում գտնվում է «Նաիրի» բժշկական կենտրոնում: Այս մասին NEWS.am-ին ասաց Առողջապահության նախարարության գլխավոր անեսթեզիոլոգ-ռեանիմատոլոգ Անատոլի Գնունին:
Նա տեղեկացրեց, որ Արա Շիրազին բերել են ծայրաստիճան ծանր վիճակում, այժմ էլ նրա վիճակը շարունակում է մնալ ծայրահեղ ծանր: «Բերել են անգիտակից վիճակում, այժմ եւս անգիտակից վիճակում է, միացված արհեստական շնչառության ապարատին, շատ լուրջ վտանգ կա կյանքին սպառնացող: Նրա մոտ ախտորոշվել է գլխուղեղի ինսուլտ բազմաթիվ տարբեր հիվանդությունների առկայությամբ»,- ասաց Անատոլի Գնունին:
Նա պարզաբանեց, որ Արա Շիրազը բազմաթիվ ինսուլտներ է տարել եւ մի շարք հիվանդությունների ֆոնին այժմ նրա մոտ զարգացել է գլխուղեղի ինսուլտը:
