«Բարգավաճ Հայաստան» խմբակցության պատգամավոր Ռուստամ Գեւորգյանի որդին՝ Ռոմա Գասպարյանն իսկապես կալանավորված է, բայց դեպքը ներկայացված է չափազանցված: Այս մասին NEWS.am-ի թղթակցի հետ զրույցում ասաց Ռուստամ Գասպարյանը:
«Շառ են անում, նման դեպք եղել է, բայց ոչ էն ձեւ, որ ներկայացված է, չափազանացված է գրված, բռնել են տվել, իսկ ով որ բողոքել է, հանրապետությունից փախած է, բռնեցին սարքեցին երեխու գլխին, իսկ էդ սարքողին հանեցին դուրս հանրապետությունից»,-ասաց պատգամավորը՝ հավելելով, որ այժմ զբաղված է որդու գործերով եւ փորձում է պարզել, թե ով է կանգնած այդ ամենի ետեւում:
Նա հաստատեց, որ որդու նկատմամբ հետախուզում էին հայտարարել, բայց նա գտնվել է երկրում՝ իրենց տանը, տնից դուրս չէր գալիս: «Թաքնվել էր, մինչեւ այդ հարցերը կարգավորեինք, էն էլ հանեցին դուրս ով որ էդ շառը արել էր, ինքը տունն է եղել, տնից էլ դուրս չի գնացել երեխեն, երեկ ես տունը չեմ եղել, եկել տարել են»,-ասաց Ռուստամ Գասպարյանը:
Պատգամավորը պարզաբանեց նաեւ, թե ինչ միջադեպ է տեղի ունեցել իր որդու հետ կապված: «Բողոքողն էլ գալուբոյ է, գալուբոյ տղա է, համասեռամոլ, մարդ չի փախցրել իմ տղան: Էդ գալուբոն 27 տարեկան էշ, ինտերնետներով կապնվում է,18 տարեկան երեխեքին տանում փչացնում է եւ մեկն էլ մի տարածքից մի երեխու հետ, սա էլ դիմում ա, իմ տղեն գնում է դրա հետ հանդիպում, գալիս են, խոսում են, մեծ-մեծ է խոսում, խփում են ու էդ ձեւ սարքեցին առեւանգում, սարքեցին էս ու էն»:
Նշենք, որ «Ժողովուրդ» թերթը գրել էր, թե ԱԺ «Բարգավաճ Հայաստան» խմբակցության անդամ, «Սեւ հովազ» ջոկատի նախկին հրամանատար Ռուստամ Գասպարյանի որդին երեկ ձերբակալվել է: Ռոմա Գասպարյանը Երեւանում անձի առեւանգման հատկանիշներով հարուցված քրեական գործի շրջանակներում հետախուզման մեջ էր գտնվում դեռ ամառվանից:
Ավելին, Ժողովուրդ»-ին հայտնի դարձավ, որ նույնիսկ առաջին ատյանի ընդհանուր իրավասության դատարանը Ռոմա Գասպարյանի նկատմամբ կալանքը որպես խափանման միջոց ընտրելու որոշում էր կայացրել։ Եվ երեկ, երբ ոստիկանները ձերբակալել են նրան, միանգամից կալանավայր են ուղարկել»