Սիսիանի բժշկական կենտրոնի ծննդաբերական բաժանմունքում մահացած 28-ամյա Անի Դավթյանի մահվան առթիվ նախապատրաստվում են նյութեր, նշանակվել է դատաբժշկական փորձաքննություն:
NEWS.am-ին Քննչական կոմիտեի մամուլի ծառայությունից հայտնեցին, որ հոկտեմբերի 24-ին ժամը 14:00-ի սահմաններում պտղաջրերի էմբոլիա ախտորոշմամբ հիվանդանոց է տեղափոխվել Սիսիանի բնակչուհի Անի Դավթյանը, որը հաջորդ օրը՝ հոկտեմբերի 25-ին, ժամը 22:05-ի սահմաններում հիվանդանոցում մահացել է:
Պարզվել է, որ հոկտեմբերի 25-ի առավոտյան արձանագրվել է պտղի ներարգանդային մահ, ինչից հետո կինը ծննդալուծվել է: Այնուհետեւ երիտասարդ կինն ունեցել է շնչարգելություն, սուր սրտանոթային անբավարարության երեւույթներ եւ երեկոյան ժամը 22:00-ի սահմաններում մահացել է:
Դեպքի առթիվ հարուցվել Սյունիքի մարզային քննչական վարչության Սիսիանի քննչական բաժնում նախապատարստվում են նյութեր: Նշանակվել է դատաբժշկական փորձաքննություն: