Արտակարգ դեպք է գրանցվել Հայաստանում նոյեմբերի 24–ին։ NEWS.am–ի տեղեկություններով` հարսանիքի վերջում` տորթը կտրելու ժամանակ, հարսն ու հարսնաքույրը փախել են` իրենց հետ տանելով նվերներն ու ոսկեղենը։
Դեպքը տեղի է ունեցել Սեւանի «Հարսնաքար» համալիրում։ Մեր տեղեկություններով` սկեսուրը նկատել է փախուստի դիմող հարսին, փորձել է կանգնեցնել նրան, հարսը հրել է նրան, նստել մեքենան ու փախել։
Նշենք, որ մինչեւ հարսանիքի օրը զույգը պսակադրվել էր եկեղեցում։
Մեր տեղեկություններով հարսն էլ, փեսան էլ Տավուշի մարզից էին։ Հարսը Երեւանի սուպերմակետներից մեկում մենեջեր է աշխատում։