Եվրահանձնաժողովի նախագահ Ժան Կլոդ Յունկերը հայտարարել է, որ Եվրամիությունը անհապաղ կկասեցնի Թուրքիայի հետ ԵՄ–ին անդամակցելու հարցով բանակցությունները, եթե Անկարան վերադարձնի մահապատիժը, հայտնում է Reuters–ը։
Հուլիսի 16-ի գիշերը Թուրքիայի ԶՈւ–ն փորձել էր ռազմական հեղաշրջում իրականացնել։ Ձախողված հեղաշրջման փորձից հետո ձերբակալվել է 13 հազար մարդ։
Թուրքիայի նախագահ Ռեջեփ Թայիփ Էրդողանը կառավարությանը խնդրել է մտածել մահապատիժը վերադարձնելու մասին, քանի որ դա է պահանջում Թուրքիայի ժողովուրդը։
Նշենք, որ Թուրքիան մահապատիժը վերացրել էր 2014-ին ԵՄ անդամակցության նորմերին համապատասխանելու համար։