Իսրայելի Կնեսետի Կրթության, մշակույթի եւ սպորտի հանձնաժողովը կրկին կհավաքվի, որպեսզի շարունակի Օսմանյան կայսրությունում Հայոց ցեղասպանության ճանաչման հարցի քննարկումը: Այս մասին հայտարարել է հանձնաժողովի նախագահ Ալեքս Միլլերը:
Այսօր` դեկտեմբերի 26-ին, կայացած քննարկմանը մասնակցել են Ալեքս Միլլերը, Կնեսետի խոսնակ Ռեուվեն Ռիվլինը, խորհրդարանական կոալիցիայի նախագահ Զեեւ Էլկինը, պատգամավորներ Ուրի Օրբախը, Զահավա Գալյոնը, Արյե Էլդադը, Օտնիել Շնելլերը, ակադեմիական շրջանակներից Հայ դատի, Իսրայելի ԱԳՆ-ի, ներկայացուցիչները, հաղորդում է IzRus-ը:
Քննարկման ժամանակ ներկաների մեծամասնությունը հանդես են եկել Հայոց ցեղասպանությունը ճանաչելու օգտին:
