նախընտրելի դարձնել
Երեւան-Սեւան ավտոճանապարին՝ Ավազի հանքի մոտակայքում, օգոստոսի 19-ին 267 համարի երթուղայինի կողաշրջվելու հետեւանքով հիվանդանոց տեղափոխված տուժածներից մեկը մահացել է:
«Սուրբ Գրիգոր Լուսավորիչ» բժշկական կենտրոնի փոխտնօրեն Գագիկ Մանուկյանը NEWS.am-ի թղթակցին հայտնեց, որ օգոստոսի 22-ին հիվանդանոցում մահացել է 53-ամյա Լուսյա Մակեդոնի Բաղդասարյանը: Նրա վիճակը ծանր էր, ուներ կողերի կոտրվածք, պատռվել էր փայծաղը, միացված էր արհեստական շնչառության ապարատին:
Ավելի վաղ NEWS.am-ը հայտնել էր, որ օգոստոսի 19-ին` երեկոյան, Կոտայքի մարզում խոշոր վթար է տեղի ունեցել։ Ford Transit մարդատար մակնիշի մեքենան դուրս է եկել հանդիպակած երթեւեկելի գոտի ու կողաշրջվել: Վթարի հետեւանքով մահացել էր 3 հոգի, վիրավորվել 13-ը;
Մահացածներից երկու ամուսիններ են: Մեքենայում եղել է 5 ընտանիք, այդ թվում` 5 երեխա: Վիրավոր անձինք գտնվում են Երեւանի «Սուրբ Գրիգոր Լուսավորիչ» եւ «Սուրբ Աստվածամայր» հիվանդանոցներում, ինչպես նաեւ Աբովյանի հիվանդանոցում: Դեպքի առթիվ հարուցվել է քրեական գործ ՔՕ-ի 242-րդ հոդվածի 3-րդ մասի հատկանիշներով:
