Ուկրաինայի արդարադատության նախարար Պավել Պետրենկոն այսօր բրիֆինգի ժամանակ կարծիք է հայտնել, որ Ուկրաինան կարող է ՆԱՏՕ-ի դաշնակցի կարգավիճակ ստանալ արդեն այս տարի, հաղորդում է ՈՒՆՆ-ն:
Նրա խոսքով՝ համապատասխան բանակցությունները կեղի կունենան Ուկրաինայի նախագահ Պյոտր Պորոշենկոյի եւ ԱՄՆ նախագահ Բարաք Օբամայի միջեւ «բառացիորեն սեպտեմբերին»:
«Ես կարծում եմ, որ հաշվի առնելով բոլոր դիվանագիտական ընթացակարգերը, դրան կարելի է սպասել արդեն այս տարի»,-հայտարարել է Պետրենկոն:
Նա նաեւ նշել է, որ Ուկրաինային ՆԱՏՕ-ի դաշնակցի կարգավիճակի տրամադրելու գործընթացն արդեն սկսվել է, իսկ դա ՆԱՏՕ-ին անդամակցության միջանկյալ փուլ է:
