«Ռոսսելխոզնադզորը» 2-3 շաբաթվա ընթացքում կարող է որոշում կայացնել Թուրքիայից բուսական արտադրանքի ներմուծման արգելքի մասին։ Այս մասին հայտնել է գերատեսչության ղեկավար Սերգեյ Դանկվերտը։
«Մենք չենք կարող հետեւել բոլորին, քանի որ վերահսկման համակարգը չի կարող ստուգել յուրաքանչյուր խմբաքանակ։ Ես կարծում եմ, որ Թուրքիայի դեպքում, հաշվի առնելով բիզնեսի վարման անկառուցողականությունը, մենք կարող ենք ամբողջովին արգելել բուսական ծագման ապրանքների ներմուծումը։ Դա կարող է լինել 2-3 շաբաթվա ընթացքում»,- ասել է Դանկվերտը «Ռոսիա 24»-ի հետ զրույցում։
Հիշեցնենք, որ Ռուսաստանը 2016թ. հունվարի 1-ից արգելել է Թուրքիայից մրգերի եւ բանջարեղենի որոշ տեսակների ներմուծումը։