Վանաձորում նախօրեին կեսգիշերին հրազենային վիրավորում հիվանդանոց տեղափոխված տղան նախկինում դատապարտված է եղել սպանության համար:

NEWS.am-ի տեղեկություններով՝ պարանոցի շրջանում հրազենային վիրավորում ստացած 27-ամյա Դավիթ Քոչարյանը 2008 թվականի նոյեմբերին Վանաձորի զինկոմիսարիատի մոտ սպանություն է կատարել, որի հետեւանքով 8 տարի ազատազրկման է դատապարտված եղել:

Մեր աղբյուրի փոխանցմամբ՝ երեկ կատարվածը չի բացառվում, որ հենց 2008թ-ին կատարված սպանության վրեժխնդրություն լինի: Դ.Քոչարյանը գտնվում է Վանաձորի բժշկական կենտրոնում ծայրահեղ ծանր վիճակում:

Ըստ տեղեկությունների՝ փամփուշտը մտել է տղայի պարանոցը: Վիճակը գնահատվում է ծայրահեղ ծանր: