Ես Գագիկ Ծառուկյանից երբեք չեմ հեռացել, որ հետո նրա դաշինքին միանամ կամ ոչ: Այս մասին փետրվարի 3-ին՝ մամուլի ասուլիսի ժամանակ ասաց ԱԺ պատգամավոր Տիգրան Ուրիխանյանը՝ անդրադառնալով այն հարցին, թե քննարկե՞լ է «Ծառուկյան» դաշինքին իր «Ալյանս» կուսակցության միավորման հարցը:
Ի պատասխան հարցին՝ Գագիկ Ծառուկյանի հետ հեռախոսազրույց կամ հանդիպում եղե՞լ է, Ուրիխանյանը նշեց. «Եթե ձեզ հետաքրքրում է Գագիկ Ծառուկյանի հետ իմ կապը, ապա կրկնում եմ՝ ես այն մարդը չեմ, որը երբեւէ այդ կապը խզել է: Ես այն մարդկանցից չեմ, որոնք փոխում են շրջապատը կամ մթնոլորտը, համոզմունքները կամ կապերը: Առավել եւս, որ այդ կապը բացառապես մարդկային է՝ հիմնված բարձրագույն քաղաքական արժեքների վրա»: