Լեռնային Ղարաբաղ այցելող օտրարեկրացիների ցուցակը մեծանում է եւ շարունակելու է մեծանալ։ Այս մասին փետրվարի 8-ին՝ ԱԺ–ում կառավարական ժամին, ասաց ՀՀ արտգործնախարար Էդվարդ Նալբանդյանը։
Նալբանդյանը հիշեցրեց, որ մի քանի օր առաջ ինքը բլոգեր Ալեքսանդր Լապշինին Ադրբեջանին արտահանձնելու մասին գործարքն ամոթալի է անվանել։ «Այն վրդովմունք է առաջ բերել ինչպես Հայաստանում, այնպես էլ այլ երկրներում եւ միջազգային կազմակերպություններում։ Իհարկե, Լապշինի արտահանձնման հիմնավորման մեջ չի հիշատակվում Լեռնային Ղարաբաղ այցելությունը։ Բայց Ադրբեջանի «սեւ ցուցակում» արդեն հարյուրավոր ակնառու գործիչներ կան, անգամ պետական անձինք, արտգործնախարարներ։ Մարդկանց հոսքը չի պակասել։ Այդ ցուցակը մեծանում է եւ շարունակելու է մեծանալ։ Հնարավոր է, Ադրբեջանը փորձում է այդ սխեմաների մեջ այլ երկրների ներառել։ Բայց պետք չէ սադրանքների տրվել եւ ջուր լցնել Բաքվի ջրաղացին։ Ադրբեջանը նման պահվածքով միայն ինքնամեկուսացման է գնում։ Դա է հաստատում Ալիեւի այցելությունը Բրյուսել եւ այնտեղ հնչած հայտարարությունները»,– ասել է Նալբանդյանը։