Հայաստանի պաշտպանության նախկին նախարար Սեյրան Օհանյանն ու «Ժառանգություն» կուսակցության առաջնորդ Րաֆֆի Հովհաննիսյանը չեն վիրավորել միմյանց: Փետրվարի 21-ին լրագրողների հետ հանդիպմանն այս մասին հայտարարեց «Օհանյան-Րաֆֆի-Օսկանյան» դաշինքի նախընտրական շտաբի ղեկավար, «Ժառանգություն» կուսակցության փոխնախագահ Արմեն Մարտիրոսյանը:
Նրա խոսքով՝ պետք չէ շահարկել դա միայն այն պատճառով, որ ժամանակին քաղաքական գործիչները քննադատել են միմյանց: Հովհաննիսյանը հայտարարել է, որ Սեյրան Օհանյանը կարող էր լավ ղեկավար դառնալ, Օհանյանն էլ պատասխանել է նրան: Շարունակություն չի եղել:
«Ահա եւ վերջ: Ոչ մի այլ նախադասություն, նույնիսկ կես նախադասություն: Իսկ դուք շարունակում եք կրկնել դա: Մինչդեռ հիմա միավորվում են մարդիկ, որոնք ոչ թե քննադատել, այլ բացահայտ վիրավորել են միմյանց: Իսկ այս դեպքում նման բան չի եղել»,- ասաց Մարտիրոսյանը:
