Կնոջն Ադրբեջանի առաջին փոխնախագահ նշանակելու մասին նախագահ Իլհամ Ալիեւի որոշումը համապատասխանում է սուլթանության ոգուն եւ տրամաբանությանը, ինչպիսին Ադրբեջանն է: Այս մասին հայտարարեց ԱՊՀ երկրների ինստիտուտի հայկական մասնաճյուղի տնօրեն, քաղաքագետ Ալեքսանդր Մարկարովը՝ NEWS.am-ի թղթակցի խնդրանքով մեկնաբանելով Մեհրիբան Ալիեւայի նշանակումը:
«Սուլթանություններին եւ ռեժիմներին հատուկ է իշխանությունն ընտանեկան նեղ շրջանակում պահելու ձգտումը: Փաստորեն, ըստ էության, տեղի է ունենում իշխանության փոխանցում ոչ թե որդուց հորը, այլ պապից թոռանը: Եթե Ալիեւների մոտ ամեն ինչ լավ լինի, եւ նրանց չտապալեն»,- նշեց քաղաքագետը՝ հավելելով, որ Մեհրիբան Ալիեւան այս դեպքում ռեգենտի դեր է կատարում: