Հրազդանում այսօր՝ մարտի 29-ին, սպասվող Հանրապետական կուսակցության նախընտրական հանդիպումը հետաձգվել է:
NEWS.am-ի տեղեկություններով, Արցախում երեկ զոհված հրազդանցի զինծառայող Արտակ Ռաֆայելյանի հոգեհանգստի կապակցությամբ վարչապետ Կարեն Կարապետյանը որոշել է հետաձգել համերգն ու ընտրողների հետ հանդիպումը:
Նշենք, որ պաշտպանության նախարար Վիգեն Սարգսյանն այսօր արդեն Սուրբ Մարիամ Աստվածածին եկեղեցում ներկա է գտնվել զինծառայողի հոգեհանգստին:
Արտակ Ռաֆայելյանն ապրիլի 13-ին կդառնար 20 տարեկան, նրան կհուղարկավորեն վաղը՝ Վանատուրի գերեզմանատանը:
Ավելի վաղ տեղեկացրել էինք, որ մարտի 28-ին՝ ժամը 13:00-ի սահմանում, ՊԲ արեւելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից մահացու վիրավորում է ստացել ՊԲ զինծառայող, 1997թ. ծնված Արտակ Էդիկի Ռաֆայելյանը: