Աշխարհահռչակ երգչուհի Շերը Մեծ Բրիտանիայի կառավարությանը կոչ է արել ճանաչել Հայոց ցեղասպանությունը:
Շերը նշել է, որ ԱՄՆ-ի եւ Մեծ Բրիտանիայի կառավարությունները չեն ճանաչել ցեղասպանությունը, քանի որ Հայաստանը ոչինչ չունի նրանց տալու», գրում է barrheadnews.com-ը:
«Մենք փոքր ենք: Հայաստանը դեպի ծով ելք չունի: Մենք նավթ չունենք: Մենք նրանց տալու ոչինչ չունենք: Որքա՞ն ժամանակ է պետք՝ Ցեղասպանությունը ճանաչելու համար»,- «Խոստում» ֆիլմի պրեմիերայի ժամանակ Press Association-ի հետ զրույցում ասել է Շերը:
Երգչուհին նշել է, որ հայերը ոչինչ չունեն՝ այս երկրներին հետաքրքրելու համար. «Կարելի է կարծել, որ նրանք դա կանեն իրենց բարության շնորհիվ»:
Պատասխանելով հարցին, հույս ունի՞, որ Դոնալդ Թրամփը կճանաչի ցեղասպանությունը, Շերն ասել է. «Ո՛չ»: